ПшъэдэкIыжьэу ыхьырэмкIэ гъунэпкъэ гъэнэфагъэхэр зиIэ «ЭкоЦент­рэм» и Адыгэ шъолъыр къутамэ хэушъхьафыкIыгъэ дзэ операцием хэлэжьэрэ тидзэкIолIхэм апае зэшъощтхэ псы ­къэбзэ тоннищ къыщэфи, афитIупщыгъ.

Ар я 8-рэ гаубичнэ артил­лерийскэ батареер ары зыIу­кIагъэр. Ащ хэтых компанием икъутамэ иIофышIэхэу мобилизацием хэфагъэхэр.
Шапхъэхэм адиштэрэ псы къабзэ зыIэкIэхьагъэхэм якоман­дир рэзэныгъэ тхылъ компанием къыфигъэхьыгъ. ХэушъхьафыкIыгъэ дзэ операцием хэлэжьэрэ тидзэкIолIхэм IэпыIэгъу афэхъунхэм мэхьанэшхо иIэу Адыгэ шъолъыр къутамэм елъытэ.
«ЭкоЦентрэм» и Адыгэ шъолъыр къутамэ ипресс-къулыкъу.