Гриппыр ыкIи пэтхъу-­Iутхъур къызэузыхэрэм япчъагъэ Адыгеим лъэшэу щыхэхъуагъ.

Шъолъыр Роспотребнадзорым къызэритыгъэмкIэ, аужырэ тхьамафэм къыкIоцI мы зэпахырэ узхэр нэбгырэ мини 2-м ехъумэ къяутэкIыгъэу атхыгъ. Эпидемие шапхъэу агъэнэфагъэм процент 19-кIэ ар хэхьагъ.
— Пэтхъу-Iутхъум иапэрэ нэ­шанэхэр ыкIи плъыр-сты­рыгъор градус 38-м нэсэу шъуи­Iэхэ зыхъукIэ, врачым дэжь шъухэмытхагъэми, телефон номерэу 122-м шъутемыоу шIокI зимыIэ медицинэ IэпыIэгъум икабинетхэм зафэжъугъэзэн шъулъэкIыщт, — къытыгъ АР-м псауныгъэр къэухъумэгъэнымкIэ и Министерствэ.
Ащ фэдэ кабинетхэр Мые­къопэ къэлэ поликлиникэм икъутамэхэм, район сымэ­джэщхэм ахэтых. Къэлэ IэзапIэхэм ахэт кабинетхэм яIоф­шIэгъу уахътэ зыфэдэр: Iоф­шIэгъу мафэхэм сыхьатыр
8-м къыщегъэжьагъэу пчыхьэм 6-м нэс, зыгъэпсэфыгъо ма­фэхэм — пчэдыжьым сыхьатыр 9-м къыщыублагъэу 12-м нэс. Гриппыр ыкIи пэтхъу-Iутхъур къямыутэкIынхэмкIэ зэра­хьан фэе Iофтхьабзэхэр къы­зыщаIотэрэ «линие плъырэу» Роспотребнадзорым и ГъэIоры­шIапIэу АР-м щыIэм къыщызэ­Iуахыгъэм 2025-рэ илъэсым мэзаем и 28-м нэс Iоф ышIэщт. Республикэм щыпсэухэрэр
Iоф­шIэгъу мафэхэм ащ зэрэ­теонхэ алъэкIыщт телефонхэр: 8(8772)52-74-33, 57-11-84; 8(8772)52-66-15 (цIыфхэр зыщаштэрэр: блыпэ — бэрэскэ­шхо мафэхэм пчэдыжьым сы­хьатыр 10-м къыщегъэжьагъэу 12-м нэс, мафэм сыхьатыр 1-м къыщыублагъэу 3-м нэс).