Москва щыкIуагъ художественнэ гимнастикэмкIэ Урысыем ичемпионат. Ар Ирина Винер иордэунэ щырагъэкIокIыгъ. Урысыем ичемпион хъугъэ Мария Борисовар.

Упражнении 4-у къашIынэу щытыгъэхэмкIэ апэ ишъыгъ илъэс 17 зыныбжь гимнасткэу Санкт-Петербург къикIыгъэр, балли 116,700-рэ ащ ригъэ­къугъ. ЯтIонэрэ хъугъэ Карина Киреевар (балли 113,400-рэ), ящэнэрэ чIыпIэр ыубытыгъ Ульяна Янус (балли 111,800-рэ).
Командэхэм язэнэкъокъу текIоныгъэр къыщыдихыгъ ­Москва изэхэугъоегъэ командэ (648,60). ЯтIонэрэ чIыпIэр фагъэшъошагъ Темыр федеральнэ шъолъырым икомандэ (623,10). Адыгэ Республикэр къагъэлъэгъуагъ Мыекъопэ спорт еджапIэу В. С. Максимовым ыцIэ зыхьырэм зыщызыгъэсэрэ пшъэшъэжъыехэу, спортым имастерхэу Арина Щербаневам, Карина Сильченкэм, мастер хъунхэмкIэ кандидатхэу Полина Иванченкэм, Сихъу Данэ, Арина Новиковам ыкIи Анастасия Коваленкэм. ЧIыпIэ 60-м щыщэу я 24-м типшъашъэхэр щытых.