Адыгеим икъэлэ шъхьаIэ джыри жэ биатлон щыIэщт. Мыр фаехэр зэкIэ зыхэлэжьэрэ
кIымэфэ спорт Iоф­тхьабз.

Мыекъуапэ щыпсэухэрэр къызэрэкIэлъэIухэрэм къыхэкIэу, зэ­хэщакIохэм — къэлэ спорткомитетым — рихъухьагъ мэзаем и 23-м щыIэгъэ спорт Iофтхьабзэу цIыфыбэ зэзыщэлIагъэр джыри зэ рагъэкIокIынэу. Ау мызыгъэгум ащ ишапхъэхэм зэхъокIыныгъэхэр афашIыщтых. ГущыIэм пае, гъогууанэу къакIущтым «огневой рубеж» зыфаIорэм фэдэу зэп, тIу зыщырихьылIэщтхэр.
Джы зэнэкъокъущтхэр лъэныкъуищ хъущтых: «КIэлэцIыкIу командэхэр», «Хъулъфыгъэ зачетыр» ыкIи «Бзылъфыгъэ зачетыр». НэмыкI зэхъокIыныгъэхэри къыхэхьащтых.
Жэ биатлоныр гъэтхапэм и 1-м сыхьатыр 11:00-м къэлэ пар­кым щаублэщт. Мы Iофтхьабзэм ишапхъэхэм нахь игъэкIотыгъэу защыщыжъугъэгъозэн шъулъэ­кIыщт хэлажьэ зышIои­гъохэр зыщатхырэ сайтым, Мые­къуапэ фи­зическэ культурэмкIэ ыкIи спортымкIэ и Комитет исо­циаль-
нэ нэкIубгъохэм.