Чыристан диныр зылэ­жьыхэрэм кIыма­фэр зэрагъэкIотэжьырэ мэфэкIэу МасленицэкIэ заджэхэрэм ­итхьамафэ аублагъ, гъэтхапэм и 2-м нэс ар ­кIощт.

Мы мафэхэм тхъужъэутэхэр агъэжъэщтых. Хабзэ зэрэхъугъэу, хэушъхьафыкIыгъэ шхэным имазэ ащ къыкIэлъыкIощт. Ижъ-ижъыжьым къыщегъэжьагъэу Масленицэм итамыгъэр хьанцэгуащ. Ащ ишIынкIэ зэнэкъокъу Мыекъуапэ илъэс къэс щызэхащэ. Мыгъэрэм хэлажьэхэрэм яныс­хъапэхэр осэшI купым рахьылIэгъахэх. ТекIоныгъэ къыдэзы­хыгъэм ыцIэ гъэтхапэм и 2-м къыраIощт. Масленицэм икIэух фэгъэхьыгъэ мэфэкI иныр къэлэ гупчэ зыгъэпсэфыпIэм щыкIощт.
Джащ фэдэу гъэтхапэм и 1-м республикэм идендрологическэ зыгъэпсэфыпIэу П. В. Бук­реевым ыцIэ зыхьырэм «Гуляй, Масленица!» зыфиIорэ Iофтхьабзэр щызэхащэщт. Зэнэкъокъу­хэр, джэгукIэ зэфэшъхьафхэр, ермэлыкъыр ыкIи нэмыкI гъэшIэгъоныбэ ащ щырекIокIыщт. ШIоигъоныгъэ зиIэхэр зэкIэ ащ хэлэжьэнхэу рагъэблагъэх.