Мыекъуапэ щыкIуагъ я 6-рэ «Жэ биатлоныр». Ар зэхищагъ физическэ культурэмрэ спортымрэкIэ Адыгэ Республикэм и Ко­митет.

КIымэфэ зэнэкъокъу дахэм командэ 82-рэ хэлэжьагъ. КIэлэцIыкIу командэхэм анахь дэгъоу къахагъэщыгъэр «Симашкевичи» зыфаIуагъэр ары (Симашкевичхэу Леврэ Борисэрэ). ЯтIонэрэ хъугъэх «Медведи» зыцIэ командэр (Малевхэу Вячеславрэ ­Глебрэ), Ящэнэрэ чIыпIэр аубытыгъ «Волонтерхэм» (Ксения Юферевамрэ Анна Костинамрэ).
Бзылъфыгъэ командэхэу метрэ 200 къэзычъынэу щытыгъэхэр 9 хъущтыгъэх. ТекIоныгъэ къыдихыгъ «Снежные лисички» зыцIэ командэм (Тыхъутарэхэу Нинельрэ Ами­нэрэ). «Семья Каширских» (Каширскэхэу Анастасиерэ Мариерэ) тыжьыныр къахьыгъ, джэрзыр къыдахыгъ «Семья Зезюкиных» зыфаIуагъэм (Зезюкинхэу Еленэрэ Евэрэ).
Пхъашэу зэнэкъокъугъэх хъулъфыгъэ командэхэр. Апэрэ чIыпIэр ыубытыгъ «Красный снеговикым» (Новиковхэм яунагъо), ахэм анахь охътэ дэгъу къагъэлъэгъуагъ — 53,69-рэ. ЯтIонэрэ хъугъэх командэу «Петарды» (Пруцкэхэу Романрэ Михаилрэ». «Щагъдый» зыцIэ командэм (Логиновхэу Константинрэ Дмитрийрэ) ящэнэрэ чIыпIэр фагъэшъошагъ.
Зэхэпхъагъэу зыщызэнэкъокъугъэхэм те­кIоныгъэр къыщыдихыгъ Хьэпэе Муратрэ Меланиерэ якомандэу «Скоростной пингвин» зыцIэм (54,20). «Синхронистхэм» (Тришинхэу Андрейрэ Софьерэ) ятIонэрэх, «Заяц и енот» зыфэзыусыгъэхэ Жуковхэу Игорьрэ Аринэрэ ящэнэрэ хъугъэх.
Зэнэкъокъум судья шъхьаIэу иIэгъэ БзэшIо Рустам къызэриIуагъэмкIэ, джыри зэ мыщ фэдэ зэнэкъокъу зэхащэным фэхьазырых, цIыфхэр ащ фаехэ хъумэ.