Терроризмэм узэрэпэуцу­жьыщт шIыкIэм зыщы­фа­гъэсэгъэхэ опера­тивнэ-тактическэ Iоф­тхьабзэ Мыекъуапэ игидротех­ническэ псэ­уалъэ щыкIуагъ. Адыгэ Республикэм иоперативнэ штаб ар зэхищагъ.

ПэшIорыгъэшъэу зэрэрахъухьэ­гъагъэм тетэу зекIохэзэ, экономикэмкIэ, обществэмкIэ мэхьанэшхо зиIэ псэуалъэм террористическэ акт щызэрахьаным ищынагъо зэрэшъхьарытыр хэбзэухъумакIохэм агъэунэфыгъ. ХэбзэухъумэкIо къулыкъухэм яIофышIэхэм зэрэзэдырагъэштагъэм ишIуагъэкIэ «террористхэр» къаубытыгъэх.
Террористическэ актым къыздихьын ылъэкIыщтыгъэ тхьамыкIагъо­хэм къакIегъэчыгъэнымкIэ амалэу Адыгэ Республикэм иоперативнэ штаб зэрихьагъэхэмкIэ терроризмэм пэуцужьыгъэнымкIэ Лъэпкъ комитетым макъэ ригъэIугъ.
Команднэ-штаб егъэджэнхэм ахэлэжьагъэхэм чIыпIэ зэжъум узэрэзекIон, къулыкъухэм къэбархэр псынкIэу зэрэзэIэкIагъэхьажьын фэе шIыкIэр къарагъэлъэгъугъ, республикэ оперативнэ штабым иIофышIэхэр ошIэ-дэмышIэ Iофхэм зэрафэхьа­зырхэр ауплъэкIугъ.
Iофтхьабзэм хэлэжьагъэх щынэгъон­чъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ, Адыгеим хэгъэгу кIоцI IофхэмкIэ м Министерствэ, Росгвардием Адыгэ РеспубликэмкIэ и ГъэIорышIапIэ, Урысыем и МЧС Адыгэ РеспубликэмкIэ и ГъэIорышIэпIэ шъхьаIэ ялIыкIохэмрэ яподразделениехэмрэ.
Адыгэ Республикэм
иоперативнэ штаб иаппарат.