Партиеу «Единэ Россием» икъэлэ къутамэ исекретарэу Геннадий Митрофановыр шIушIэ IэпыIэгъур Курскэ хэкум ащэным пае транспортымкIэ плIэгъогогъо IэпыIэгъу афэхъугъ. Мыекъуапэ инароднэ депутатхэм я Совет «Единэ Россием» ифракциеу хэтым хахьэхэрэм яамалкIэ мызыгъэгурэ шIушIэ IэпыIэгъур аугъоигъ.

— Мыекъуапэ игоспиталь чIэлъ дзэкIолIхэм апае шIушIэ IэпыIэгъур зэIофшIэгъухэмкIэ афятэгъащэ. Апэ ящыкIэгъэщт, къэбзэныгъэм епхыгъэ пкъыгъохэр, пхъэшъхьэ-мышъхьэхэр зыхэхьэгъэ шIушIэ IэпыIэгъур мы охътэ кIэкIым тыугъойи Хэгъэгум иухъумакIо и Мафэу къэблагъэрэм ипэгъокIэу Курскэ ядгъэщагъ. Адыгеим икIыгъэ гуфакIохэр къэзыщэжьыщт транспортымкIэ ар анагъэсыщт. Мы Iофтхьабзэр зэхэзыщагъэхэм лъэшэу тафэраз. ТидзэкIолIэу зэIазэхэрэм япсауныгъэ зэтеуцожьынэу тафэлъаIо ыкIи мэфэкIымкIэ тафэгушIо! — хигъэу­нэфыкIыгъ партиеу «Единэ Россием» ифракциеу Мыекъопэ на­роднэ депутатхэм я Совет хэтым ипащэу Джарымэкъо Азмэт.
ШIушIэ Iофтхьабзэхэм ахэлажьэ е гуфакIо хъунэу фаехэр АР-м цIыфхэм IэпыIэгъу афэхъугъэнымкIэ и Штаб екIолIэнхэ алъэкIыщт. Адресыр: къ. Мыекъуапэ, урамэу Пролетарскэр, 449-рэ.
— Курскэ зичэзыу гуфакIоу кIощтхэр тэгъэхьазырых. Мы Iофтхьабзэм хэлажьэхэрэм зэкIэми тафэраз. ТкIуачIэ зэхатлъхьэзэ IэпыIэгъу зищыкIагъэхэм тадеIэ, — хигъэунэфыкIыгъ ФедерациемкIэ Советым ныбжьыкIэ хэбзэгъэуцоу щылажьэхэрэм я Палатэ хэтэу, «Гвардие НыбжьыкIэм» и Адыгэ шъо­лъыр къутамэ ипащэу Бэрзэдж Асиет.