Мы цIэр зиIэ турнирым текIоныгъэ къыщыдэхыгъэным фэшI мэфищырэ зэнэкъокъугъэх Мыекъопэ еджапIэхэм яублэпIэ классхэм якIэлэеджакIохэр.

Зэнэкъокъум иаужырэ мафэ нэс ахэр гъэшIэгъонэу кIуагъэх. ЕшIэгъу мафэ къэс нэбгырэ пэпчъ икомандэ очко къыфихьыщтыгъ. Ар анахь дэгъоу къадэхъугъ Мыекъопэ гимназиеу N 22-м иеджакIохэу Джэндэрэ Щамилэ, Роман Кирокосян, Максим Кузьменкэм ыкIи Къодз Ясминэ. Ахэм командэм очко 26-рэ къыфахьыгъ.

ЯтIонэрэ чIыпIэр аубытыгъ къутырэу Гавердовскэм дэт еджапIэу N 18-м икомандэу очко 22,5-рэ изыгъэкъугъэм.
Муниципальнэ уцугъом изэфэхьысыжьхэмкIэ, мы командитIур шъолъыр уцугъом хэхьанхэм тапэкIэ фэбэнэщтых.