Адыгэ Республикэм щыпсэухэу,
Урысыем и УIэшыгъэ КIуачIэхэм
ядзэкIолIхэу, яветеранхэу
лъытэныгъэ зыфэтшIыхэрэр!

Хэгъэгум иухъумакIо и МафэкIэ тышъуфэгушIо!
ЛIыгъэм, блэнагъэм, Хэгъэгур шIу зэрэплъэгъун фаем, ащ икъэухъумэнкIэ пшъэрылъэу яIэхэм зэрафэшъыпкъэхэм, Урысыем илъ хэбзэшIухэр лIэужхэм зэрэзэIэпахырэм ятамыгъэу щыт мы мэфэкIыр.
Урысыем идзэкIолIхэу Хэгъэгум исуверенитет сыд фэдэрэ лъэхъани къэзыухъумагъэхэм, тикъэралыгъо хэхъоныгъэ езыгъэшIыщт амалхэр зезыхьагъэхэм мэзаем и 23-м ягугъу шIукIэ тэшIы, ящытхъу тэIо.
Урысыем и Президентэу Владимир Путиным 2025-р Хэгъэгум иухъумакIо и Илъэсэу зэригъэнэфагъэм къеушыхьаты тикъэралыгъо къэзыухъума­гъэ­хэм, непи къэзыухъумэхэрэм, лIэшIэгъубэмэ къа­кIоцI дзэ щытхъур ащ къыфэзыхьыгъэхэм ягъэхъа­гъэхэм осэшхо зэрафашIырэр.
Урысыем идзэкъулыкъушIэхэм непэ щытхъу хэлъэу хэушъхьафыкIыгъэ дзэ операцием япшъэрылъхэр щагъэцакIэх. ЛIыхъужъ пэпчъ хэгъэгум икъэу­хъумэн иIахь хешIыхьэ.
ЛIыхъужъ шъыпкъэу зыкъэзыгъэлъэгъогъэ тичIыпIэгъухэм, Урысые Федерацием и УIэшыгъэ
КIуачIэхэм ядзэкIолIхэм, яофицерхэм псэемыблэжьыныгъэ къызыхагъафэзэ, япшъэрылъхэр еIо-
лIэнчъэу зэрагъэцакIэрэм, яхэгъэгогъухэм ящынэгъончъагъэ къызэраухъумэрэм афэшI лъэшэу тафэраз.
ДзэкIолIхэм, матросхэм, сержантхэм, старшинахэм, мичманхэм, прапорщикхэм, офицерхэм, генералхэм, адмиралхэм, Урысыем идзэкъулыкъушIэ пстэуми, УIэшыгъэ КIуачIэхэм яветеранхэм тыгу къыддеIэу тафэлъаIо псауныгъэ пытэ, щыIэкIэ-псэукIэ дэгъу яIэнэу, ти Хэгъэгушхо — Урысые Федерациер нахь фэшIыгъэ хъунымкIэ гъэхъагъэхэр тапэкIи ашIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ республикэ къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр