ЦIыфхэм IэпыIэгъу афэхъугъэнымкIэ Адыгэ Республикэм и Штаб «Донбасс пае тхылъхэр» зыфиIорэ Iофтхьабзэр лъегъэкIуатэ.

Тхылъхэр шъолъырым щыпсэухэрэм къырахьылIэх Мыекъуапэ дэт Штабым, нэужым «Гвардие ныбжьыкIэм» иволонтерхэм ахэр фагъэхьазырых урысые шъолъырыкIэхэм агъэхьынхэм. Урысые Федерацием ишъолъырыкIэхэм IэпыIэгъу афэхъугъэныр партиеу «Единэ Россием» ипрограммэ изы Iахь.
«Гвардие ныбжьыкIэм» иволонтерхэм, Мыекъуапэ и «НыбжьыкIэ координационнэ Гупчэ» ыкIи гупыкI зиIэ цIыфэу республикэм щыпсэухэрэм яшIуагъэкIэ Штабым тхылъ мини 3-м ехъу щаугъоигъ. Организациеу «Боевое братство» зыфаIорэм иволонтерхэу Юрий Григорянрэ Азэщыкъ Геннадийрэ тхылъхэр фащагъэх Донецкэ Народнэ Республикэм икъалэу Макеевкэм икIэлэцIыкIу тхылъеджапIэу Л.И. Глебовым ыцIэ зыхьырэм.
«Донбасс пае тхылъхэр» зыфиIорэ Iофтхьабзэр джыри лъытэгъэкIуатэ, фае­хэр зэкIэ ащ къыхэлэжьэнхэ алъэкIыщт. Мы лъэхъаным тхылъхэр зыщэфынхэ амал зимыIэхэмкIэ ар IэпыIэгъушIу хъущт», — къыIотагъ Мыекъопэ къэлэ Советым идепутатэу, ФедерациемкIэ Советым ихэбзэгъэуцу ныбжьыкIэхэм я Палатэ социальнэ политикэмкIэ ыкIи псауныгъэр къэухъумэгъэнымкIэ и Комитет итхьаматэ игуадзэу, «НыбжьыкIэ Гвардием» и Адыгэ шъолъыр къутамэ ипащэу Бэрзэдж Асиет.
Штабэу тхылъхэр зэрахьылIэнхэ алъэ­кIыщтым иадрес: къ. Мыекъуапэ, ур. Про­летарскэм тет унэу N 449-р.