Мыекъопэ баскетбол командэу «Динамо-МГТУ-р» къэкIощт зыгъэпсэфыгъо мафэхэм тикъалэ щыIукIэщт «Чебоксарские ястребы».

Командэхэр турнир таблицэм щызэпэблагъэх, арышъ, апшъэрэ командиим защигъэпытэным фэшI хэткIи очко пчъагъэу къыхьыщтым мэхьанэ иI.
Мыекъопэ командэр чебоксарцэхэм мы ешIэгъу лъэхъаным тIогъогогъо аIукIагъ, дэкIыгъо ешIэгъуитIур къахьыгъ. Ау 2025-рэ илъэсым изэIукIэгъухэр нахь къяхьылъэкIых, «Динамо-МГТУ-м» зэIукIэгъуи 8-у иIагъэм щыщэу 3-р ары текIоныгъэ къызщыдихыгъэр. Мы лъэхъаным тикомандэ тызэрэкъотыр зэхедгъэшIэн фае, сыда пIомэ апэрэ чIыпIии 8-р зыIыгъхэм ахэфэным фэбэнэщтхэм язэIукIэгъухэр Мыекъуапэ щыкIощтых.
«Динамо-МГТУ-р» командэу «Чебоксарские ястребы» IукIэщт мэзаем и 22-м ыкIи и 23-м сыхьатыр 2-м. ЗэIукIэгъур МФОК-у «Ошъутенэм» щыкIощт.

Командэхэр зыдэщыт чIыпIэхэр ыкIи очко пчъагъэу яIэр:
«Динамо» (Уфа) – 53
«Нефтехимик» (Тобольск) – 50
«Русичи» (Курск) – 43
«Металлург – Челбаскет» (Челябинскэ хэку) – 42
«Чебоксарские ястребы (Чебоксары) – 40
«ЦСП-Химки» (Московскэ хэку) – 39
«Динамо-МГТУ» (Мыекъуап) – 39
«Южный слон» (Ставрополь) – 36
«Десна» (Брянск) – 35
«ТСК-Урал-УрГУПС» (Екатерин­бург) – 30.