Мобилизацием къыхиубытагъэхэм ыкIи ахэм яунагъохэм арысхэм къэбархэр икъоу аIэкIэгъэхьэгъэнхэм тегъэпсыхьагъэу Росреестрэм Адыгэ РеспубликэмкIэ и ГъэIоры­шIапIэрэ правовой компаниеу «Роскадастрэм» АдыгеимкIэ икъута­мэрэ къэралыгъо фэIо-фашIэхэм ягъэцэкIэнкIэ консультациехэр псынкIэу телефонкIэ афызэхащэх.

ЫпшъэкIэ зигугъу къэтшIыгъэ къулыкъухэм яIофышIэхэр цIыфхэм яIофыгъохэм язэшIохынкIэ IэпыIэгъу аратыным, мы къыкIэлъыкIорэ IофыгъохэмкIэ консультациехэр афызэхащэнхэм фэхьазырых:
— амыгъэкощырэ мылъкумкIэ къэралыгъо реестрэ зыкIымрэ чIыгу Iахьхэр зыфэгъэзагъэхэмкIэ къэралыгъо фондымрэ къахэхыгъэ къэбархэр аIэ­кIэгъэхьэгъэнхэр;
— амыгъэкощырэ мылъкумкIэ хъар­зынэщ документхэм якопиехэр къа­Iыхыгъэнхэр;
— реестрэ хэукъоныгъэхэр гъэтэрэзыжьыгъэнхэр;
— чIыгу Iахьхэм ягъунапкъэхэм ягъэнэфэнкIэ зэмызэгъыныгъэхэр дэгъэзыжьыгъэнхэр;
— ядэжь кIохэзэ фэIо-фашIэхэр зэрафагъэцакIэхэрэр ыкIи документхэр Iофтабгэхэм зэраIэкIагъэхьащтхэр;
— мылъкум ищэнкIэ е ищэфынкIэ документхэр гъэхьазырыгъэнхэр;
— чIыгу Iахьхэмрэ амыгъэкощырэ нэмыкI мылъкумрэ кадастрэ учет шIыгъэнхэр;
— амыгъэкощырэ мылъкумкIэ фитыныгъэу яIэр къэзыушыхьатырэ тхы­лъыр регистрацие шIыгъэныр;
— дачнэ, гаражнэ амнистиехэм адиштэу амыгъэкощырэ мылъкумкIэ тхылъхэр къызэрыкIо шIыкIэм тетэу гъэхьазырыгъэнхэр.
Къулыкум иреспубликэ подразделениехэм яIофышIэхэм мыщ фэдэ Iофыгъохэри, нэмыкIхэри телефонхэу (8772) 57-18-87-кIэ е (8772) 59-30-46-мкIэ къафызэхафыщтых.