Адыгэ Республикэм кIымэфэ футболымкIэ ичемпионат Хэгъэгум иухъумакIо и Мафэ аухыщт.

Апэрэ лигэм текIоныгъэ ыкIи хагъэунэфыкIырэ чIыпIэхэр зыхьыгъэхэр ары мыгъэнэфагъэ­хэр. Мыщ анахьыб командэу хэлажьэрэр — 14 мэхъух. Шапхъэхэм къызэрэдалъытэрэмкIэ, ахэр зэкIэ чэзыу-чэзыоу зэIукIэнхэ фае. Командэхэм ешIэгъу зырыз къафэнагъ.
КIэухым гъэхъэгъэшIухэр иIэу къекIолIагъ «Ошъутенэр». Мыщ хэтхэм янахьыбэр яцIыкIугъом щегъэжьагъэу футбол зэдешIэх, спортыр зикIэсэ кIалэх. Непэ ахэр джыри апэ итых. ЗэIукIэгъу 12-м щыщэу 11-р къахьыгъ, зы ешIэгъур, командэу «Тульскэм» зыIокIэхэм, пчъагъэр зэфэдизэу аухыгъ. ЕшIэгъу 12-м «Ошъутенэм» хэтхэм гъогогъу 68-рэ Iэгуаор къэлапчъэм дагъэфагъ, гурытымкIэ, зэIукIэгъу пэпчъ гъо­гогъуи 6-рэ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:
«Ошъутен» — 34
«Тульскэр» — 28
«Легион» — 26
«Спортмастер-2» — 26
«Космос» — 22
«МФОК Ошъутен» — 20
«Кавказ Адэмый» — 19
«Спортмастер» — 17
«Хьатыгъужъыкъуай» — 17
«СШОР-2009» — 10
«Альянс» — 8
«Олимп» — 6
«Канониры» — 3
«Дружина» — 2.
ХагъэунэфыкIырэ чIыпIитIоу къэнагъэхэм афэбэнэщт командищ – «Тульскэр», «Легионыр» ыкIи «Спортмастер-2-р». Анахь ешIэгъу гъэшIэгъон хъущтэу тшIошIырэр «Легионымрэ» «Спортмастерымрэ» язэIукIэгъоу сыхьатыр 12-м аублэщтыр ары. ЕшIэгъу мафэр къызэIуихыщт чемпионатым ичемпион – «Ошъу­тенэм». Сыхьатыр 11-м ар Iу­кIэщт командэу «Олимп». Зэ­IукIэгъур стадионэу «Юностым» щыкIощт.
Я 13-рэ турым щызэIукIэщтхэр:
«Олимп» — «Ошъутен»
«Легион» — «Спортмастер-2»
«Тульскэр» — «СШОР-2009»
«Хьатыгъужъыкъуай» — «Кавказ Адэмый»
«Космос» — «Альянс»
«МФОК Ошъутен» — «Спортмастер».