Ящэнэрэ хъугъэ
Спорт зекIонымкIэ Адыгэ Республикэм икомандэ Къыблэ федеральнэ шъолъырым ичемпионат ыкIи ипервенствэу Славянск-на-Кубани щыкIуагъэм хагъэунэфыкIырэ чIыпIэ щиубытыгъ.
Лъэс кIонымкIэ зэнэкъокъухэм нэбгырэ 260-рэ ахэлэжьагъ. Ахэр Краснодар краим, Ростов ыкIи Волгоградскэ хэкухэм, Адыгэ Республикэм ыкIи Республикэу Къырым, Луганскэ Народнэ Республикэм, Севастополь къарыкIыгъэх.
Адыгэ Республикэр къагъэлъэгъуагъ спорт зекIонымкIэ Гупчэм зыщызыгъасэхэрэм ыкIи кIалэхэм (илъэс 16 – 21-рэ зыныбжьыхэм) зэнэкъокъу лъэныкъуищэу зыхэлэжьагъэхэмкIэ зэкIэмкIи очко 1341-рэ рагъэкъуи, ящэнэрэ чIыпIэр аубытыгъ. Апэрэ чIыпIэр — Краснодар краир (очко 2110-рэ), ятIонэрэ хъугъэ Ростов хэкум икомандэ (очко 1923-рэ).