Модельнэ тхылъ­еджапIэхэм ягъэ­псынкIэ Урысыем культурэмкIэ и Министерствэ ищытхъу Адыгеим къылэ­жьыгъ. «Лъэпкъ проектэу «Культу­рэм» игъэцэкIэнкIэ гъэхъагъэу ышIы­гъэхэм апай» зыфи­Iорэ бгъэхалъхьэмрэ Щытхъу тхылъым­рэ республикэм къыфагъэшъошагъ.

Мыщ фэдэ зэфэхьысыжьхэр шъхьэихыгъэ къызщашIыгъэ мэфэкI зэхахьэр Урысыем и Къэ­ралыгъо тхылъеджапIэ щыкIуагъ. «Культурэм щыIэкIакIэ егъэгъотыгъэныр: тхылъеджэпIэ сис­темэм игъэкIэжьын изэ­фэхьысыжьхэмрэ гугъапIэхэмрэ» зыфиIорэ Урысые форумым ар къы­дыхэлъытэгъагъ.
АР-м культурэмкIэ и Министерствэ къызэрэщаIуагъэмкIэ, лъэпкъ проектэу «Культурэр» Адыгеим зыщылэжьэрэ илъэсихым модельнэ тхылъеджэпIэ 16 шъолъырым щагъэпсыгъ. Республикэ пащэм иIэпыIэгъу, культу­рэмкIэ Министерствэмрэ модельнэ тхылъеджапIэхэм яшIынкIэ ыкIи ахэм яметодическэ IофшIэнкIэ Министерствэмрэ АР-м и Лъэпкъ тхылъеджапIэ щыгъэпсыгъэ проектнэ офисымрэ модельнэ тхылъ­еджапIэхэм яшIынкIэ ыкIи ахэм яметодическэ Iоф­шIэнкIэ язэдэлэжьэныгъэ­рэ ар яхьатыр.
— Урысыем культурэмкIэ и Министерствэ ты­фэраз лъэпкъ проектэу «Культурэм» игъэцэкIэнкIэ амал тиIэ зэрэхъугъэр. Лъэпкъ проектэу «Уна­гъом» къыдыхэлъытагъэу тхылъеджапIэхэм язэте­гъэпсыхьан лъытэгъэкIуа­тэ. Мы илъэсым модельнэ тхылъеджэпIитIу Адыге­им джыри щыдгъэпсыщт, — къыщыхагъэщыгъ АР-м культурэмкIэ и Минис­терствэ.