Зихэку къэзыгъэзэ­жьыгъэ тилъэпкъэгъухэм апае урысыбзэмкIэ ыпкIэ зыпымылъ егъэджэнхэр АР-м гъэсэны­гъэмрэ шIэныгъэм­рэкIэ и Минис­терствэ Мыекъуапэ щызэ­хищагъэх.

Сэнэхьат IэпэIэсэны­гъэм хэгъэхъогъэнымкIэ институтым ахэр щэкIох. ПстэумкIи нэбгырэ 70-мэ урысыбзэр ащ щызэра­гъашIэ. АР-м лъэпкъ Iоф­хэмкIэ, IэкIыб къэралхэм ащыпсэурэ тилъэпкъэгъу­хэм адыряIэ зэпхыныгъэ­хэмкIэ ыкIи къэбар жъугъэм иамалхэмкIэ и Комитет итхьаматэу Шъхьэлэхъо Аскэр къызэриIуагъэмкIэ, IэкIыбым щы­псэурэ тилъэпкъэгъухэм адэ­лэжьэгъэнымкIэ ыкIи кощынымкIэ хэбзэгъэуцугъэхэм афэхъурэ зэхъо­кIы­ныгъэхэм игъом ащыгъэгъозэгъэнхэмкIэ общественнэ зэхахьэхэм яIоф­шIэн агъэлъэшын фае. ХэушъхьафыкIыгъэу урысыбзэм изэгъэшIэн анаIэ тырагъэтын зэрэфаер джащ фэдэу къыхигъэ­щыгъ.