ЦIыфхэм IэпыIэгъу афэхъугъэнымкIэ Штабэу Адыгеим итым зызэраухъумэрэ хъытыухэм ­яхъын щылъагъэкIуатэ. ШIу зыгу илъ цIыфхэр, НыбжьыкIэ гвардием хэтхэр, волонтерхэр хъытыухэм ягъэхьазырын хэлажьэх.

Адыгеим и ЛIышъхьэу, партиеу «Единэ Россием» и Адыгэ шъолъыр къутамэ и Секретарэу КъумпIыл Мурат хэушъхьафыкIыгъэ дзэ операцием хэлажьэхэрэм, иветеранхэм, ахэм яунагъохэм арысхэм IэпыIэгъу зэраратырэм ренэу гъунэ лъе­фы. Джащ фэдэу Адыгеим щыпсэухэрэм хэушъхьафыкIыгъэ дзэ операцием хэлажьэхэрэм IэпыIэгъоу арагъэгъотырэм яIахь хэлъ.
«Шэф остыгъэхэм, зызэраухъумэрэ хъытыухэм ягъэхьазырын ищыкIэгъэ ама­лыр зэкIэ Штабым иI. Фае пэпчъ мыщ фэдэ Iофым къыхэлэжьэн ылъэ­кIыщт. ТидзэкIолIхэм IэпыIэгъу ягъэгъотыгъэнымкIи, зы гухэлъ зэдэдгъэцакIэзэ, нахь тызэкъоуцонымкIи ар амалышIоу щыт. ЗышIоигъо пэпчъ а Iофым къыхэлэжьэн, иIахь къыхишIыхьан ылъэкIыщт», — къы­Iуагъ хэбзэгъэуцу ныбжьыкIэхэм я Палатэу ФедерациемкIэ Советым щызэхэщагъэм хэтэу, Мыекъуапэ икъэлэ Совет идепутатэу, АдыгеимкIэ НыбжьыкIэ гвардием ипащэу Бэрзэдж Асиет.
Мастер-классхэм ахэлажьэ зышIои­гъохэм «линие плъырым» ителефонэу
8 (8772) 52-76-03-мкIэ теонхэ е Мые­къуапэ иурамэу Пролетарскэм тет унэу N 449-м зыфагъэзэн алъэкIыщт.