КаратэмкIэ Адыгеим изэIухыгъэ чемпио­натрэ республикэ зэнэкъокъухэмрэ къуа­джэу Тэхъутэмыкъуае щыкIуагъэх. Спорт комплексэу «Нартым» мэфитIурэ спорт­сменхэм зыщаушэтыгъ.

Анахь тын лъапIэу щытыгъэр командэхэм язэнэ­къокъу текIоныгъэр къыщыдэзыхырэм и Кубок ары. Ар бысымхэм къафагъэшъошагъ, клубэу «Зеленые береты» зыфиIорэр зэкIэми анахь лъэшыгъ. Мыщ хэтхэм нахьыбэу медаль къыдахыгъ. Командэм итренерыр Вячеслав Леус. Мыекъуапэ илIыкIохэм ятIонэрэ чIыпIэр ахьыгъ, ахэр зыгъасэхэрэр Александр Самусенкэмрэ Денис Шестопаловымрэ. Краснодар икомандэу «Лидер» зыфиIорэм хэтхэм джэрз медальхэр афагъэшъошагъэх.