ГандболымкIэ Урысыем и Суперлигэ щешIэрэ «АГУ-Адыифым» зичэзыу ешIэгъу Мыекъуапэ щыриIэщт. Къалэу Ижевскэ къэзыгъэлъэгъорэ «Университетыр» тихьа­кIэщт. Мы командэ за­къор ары зэнэкъокъум те­кIоныгъэ къыщыдэзымы­хыгъэр ыкIи зи очко зимыIэр.

Мыекъуапэ игандболисткэхэм гъогогъуитIо текIоныгъэр къыда­хыгъ, тIумкIи Удмуртскэ Респуб­ликэм икомандэ къышIуахьыгъ. Ящэнэрэ зэIукIэгъоу яIэщтыр чемпионатым ипэшIорыгъэшъ едзыгъо къыдыхэлъытагъ. Мэзаем и 20-м пчыхьэм сыхьатыр 6-м Адыгэ къэралыгъо универ­ситетым иордэунэу Кобл Якъубэ ыцIэ зыхьырэм командэхэр щызэIукIэщтых. УчIэхьаным пае ыпкIэ лъыптын ищыкIагъэп.