ШIушIакIохэм ыкIи гупыкI зиIэхэм ямылъкукIэ Адыгеим чанэу мэщытхэр щашIых.

Мы мафэм ехъулIэу республикэм мыщ фэдэ псэолъи 6-мэ яшIын щылъагъэкIуа­тэ: Тэхъутэмыкъуае, Адыгэкъалэ, Новэ Адыгеим, Хьащтыку, Хьалъэкъуае ыкIи Пэнэхэс. ПсэупIэ зэфэшъхьафхэм аща­шIырэ мэщытхэр джыри ныкъошIых. Ау зэрагъэнэфагъэмкIэ, тхьэшIошъхъуныгъэ зиIэхэм апае мы илъэсым мэщытиплI къызэIуахыщт.

БэмышIэу Адыгеим ыкIи Пшызэ шъо­лъыр ащыпсэурэ быслъымэнхэм ямуфтиеу Къэрдэн Аскэрбый игуадзэхэр ыкIи Iимамхэр игъусэхэу IофшIэнхэр зэрэ­кIохэрэр зэригъэлъэгъугъ. Тэхъутэмыкъуае щашIырэ мэщытыр НэкIмэзэ ужым къызэIуахынэу агъэнафэ. Ау тхьэлъэIу­хэр гъэтхэпэ мазэм ащ щашIын алъэкIыщт.
Адыгэкъалэ щагъэпсырэ мэщытыр Адыгэ Республикэм и Мафэ тефэу къызэIуахынэу рахъухьэ. Джащ фэдэу илъэсым ыкIэм нэс Хьащтыкурэ Новэ Адыгеимрэ ащашIырэ мэщытхэм яшIын къаухыщт.
КъэкIорэ илъэсым къуаджэу Хьа­лъэкъуае мэщыт щагъэпсынэу рахъу­хьагъ. Ащ нэмыкIэу мэщытым ишIын Псэкъупси щырагъэжьагъ.
Сурэтхэр: ДиндэлэжьапIэр