Къызэригъэщтыгъэм къыхэкIэу
Адыгеим ичIыопс изытет мы мафэхэм зызэрэзэблихъугъэм ыпкъ къикIыкIэ Мыекъопэ зэхэт псыкъэкIуапIэм псэу къихьэрэм ибагъэ къыкIичыгъ. ПсыугъоипIэхэм яIофшIэн зэщымыкъоным пае, псыр къызэричъырэм илъэшыгъэ мэзаем и 15-м щыублагъэу къырагъэIыхынэу унашъо ашIыгъ. Гавердовскэм иартезиан псыкъычIэщыпIэрэ Мыекъуапэ ипсыубытыпIэрэ джырэкIэ агъэфедэщтых.
Мыекъопэ къэлэ администрацием къызэриушыхьатырэмкIэ, псыр аубытын гухэлъ яIэп. Къызэричъырэм илъэшыгъэ тIэкIу къыщагъэкIэщт ныIэп. Ар анахьэу зэхэзышIэщтхэр къэлэ гупчэм, микрорайонхэу «Шэуджэным,» «Михайлово» зыфиIохэрэм, урамэу Железнодороджнэм ыкIыбкIэ ыкIи фэтэрыбэу зэхэт унэхэм яшъхьагъырэ къатхэм ащыпсэухэрэр ары. Мафэ къэс пчэдыжьрэ сыхьатыр хым щыублагъэу бгъум нэс ыкIи пчыхьэм сыхьатыр блым щыублагъэу пшIым нэс псыр къызэрэкIощтыгъэм фэдэу щытыщт.
Джащ фэдэу Мыекъопэ районми, анахьэу псэупIэхэу Удобнэм, Победэм, къутырэу Северо-Восточные Сады зыфиIорэм, псым икъэтын тIэкIу нахь мэкIэщт, Мыекъуапэ фэдэу пчэдыжьырэ пчыхьэрэ зэрэщытыгъэм фэдэу къатIупщыжьызэ ашIыщт.