Адыгэ Республикэм ирадиотелевизионнэ Гупчэ къызэриты­гъэ­мкIэ, тыгъэм ыкIуачIэ радиотелевизионнэ хъытыухэм зэрягуаорэм къыхэкIэу мэзаем и 21-м щыублагъэу гъэтхапэм и 15-м нэс ахэм яIофшIэн щыкIагъэхэр фэхъунхэ ылъэкIыщт.

Илъэсым тIогъогогъо – гъатхэм ыкIи бжыхьэм тыгъэм экваторыр зэпечы. Ащ ышъхьагъ спутникхэм Iоф щашIэ. Спутникым къытIупщырэ нэрмылъэгъу орхэр тыгъэм ифэмэ-бжьымэ къатырихьэу къыхэкIы. Урысыем ителевизионнэ ыкIи ирадиовещательнэ хъытыу цифрэ амалэу иIэхэм яшIуагъэкIэ а зэщыкъоныгъэхэр телевизорым еплъыхэрэм е радиом едэIухэрэм къызэхашIэрэп.
Ау загъорэ къыхэкIы телевизорым къыгъэлъагъорэр зэпыоу ыкIи «нет сигнала» зыфиIорэ мэкъэгъэIур къытыридзэу е къыгъэлъагъорэр зэтеуцоу. Ар такъикъ заул ныIэп зэрэкIорэр. Ау сыд хъункIи сыхьатырэ ныкъорэм нахьыбэ мыщ фэдэ зэщыкъоныгъэр блэкIыщтэп. Ащ фэдэ къызхэкIырэм телевизорыр е приемникыр зиехэм пахыни, икIэрыкIэу хагъэнэжьын фае. Ащи ишIуагъэ къызымыкIокIэ, «менюм» хэхьанхэшъ техникэр ежь-ежьырэу каналхэм алъыхъунэу теIункIэхэмэ, зэтеуцожьыщт.
Нахь игъэкIотыгъэ къэбарыр сайтэу «ртрс.рф» зыфиIорэм ит. УпчIэ зиIэхэр РТРС-м ителефонэу: 8 800 220 20 02-м теонхэ алъэкIыщт, Урысыем итыдрэ чIыпIэ щэпсэухэми зэрэтеощтхэм ыпкIэ хэлъэп.