1943-рэ илъэсым мэзаем и 18-р тятэхэмрэ тятэжъхэмрэ ялIыхъужъныгъэрэ япытагъэрэ яшыхьатэу цIыф лъэпкъыбэмэ ялIыкIохэр зыщыпсэухэрэ Адыгеим итарихъ егъэшIэрэу къыхэнэщт. Непэ къэтэIо ветеранхэм тызэрафэразэр, нацизмэм пэшIуекIохэзэ, ТекIоныгъэшхом пае зыпсэ зыгъэтIылъыгъэхэм ­лъхъанчэу шъхьащэ афэтэшIы. Мы илъэсым ТекIоныгъэшхом ия 80-рэ илъэс хэдгъэунэфыкIыщт.
Непэ Урысыем идзэкъулыкъушIэхэм лIыхъужъныгъэрэ блэнагъэрэ зэрахьэзэ, хэушъхьафыкIыгъэ дзэ операцием хэлажьэхэрэм лIэшIэгъубэмэ къакIоцI щыIэ хъугъэ хэбзэ шIагъохэм атетэу, тятэжъхэм яIоф лъагъэкIуатэзэ ыкIи шъолъырыкIэхэм арыс мамыр цIыфхэр къаухъумэхэзэ, Донбассрэ Украинэмрэ нацизмэм къыIэкIахыжьых.
Тицыхьэ телъ Адыгеим нэмыц-фашист техакIохэр ифыжьыгъэнхэм пае зыпсэ емыблэжьыгъэхэр зэращымыгъупшэщтхэм. Уи Хэгъэгу шIу плъэгъун, уфэшъыпкъэн зэрэфаемкIэ егъэшIэрэ щысэу ахэр щытыщтых. ЦIыф лъэпкъ зэфэшъхьафыбэмэ къахэ­кIыгъэхэу ти Хэгъэгушхо щыпсэухэрэм язэкъотныгъэ джыри нахь дгъэпытэн зэрэфаер зыщыдгъэгъупшэ хъущтэп.
ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ ти Хэгъэгушхоу Урысые Федерациемрэ нахь зэтегъэпсыхьагъэ хъунхэм пае Iофэу шъузфэгъэзагъэм гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр