АР-м и Лъэпкъ музей загъэпсыгъэр мыгъэ илъэси 100 зэрэхъурэм къыдыхэлъытагъэу, ихъарзынэщ
хэлъ тхылъхэр цифрэ шъуашэм илъхьэгъэнхэм фежьагъ.

Непэ мыщ ифонд гъэшIэгъон дэдэу ыкIи гъотыгъуаеу щыт тхылъ зэхэубытагъэхэр щыухъумагъэх. Джы ахэм шIоигъоныгъэ зиIэ пстэури яджэн алъэ­кIыщт. ДжырэкIэ цифрэ ашIыжьыгъэ тхылъ 13-р музеим ихъытыу нэкIубгъо ит. Ахэм ащыщых «КIэрэщэ Тембот сурэтхэмкIэ, тхыгъэхэмкIэ» зыфиIоу 1980-м къыдэкIыгъагъэр, Кавказ ичIыпIэхэмрэ илъэпкъхэмрэ къызщытхыхьэгъэ тедзэгъоу 1910-м къыхаутыгъагъэр ыкIи нэмыкIхэр.
«АР-м и Лъэпкъ музей мэхьанэ ин зиIэ тхылъхэм ямызакъоу, гъотыгъуаеу щыт тедзэгъу зэхэубытагъэхэри щыу­хъумагъэх. Ахэр тишъолъыр итарихъ уфэзгъэнэIосэрэ кIэн баих», — къыщаIуагъ АР-м и Лъэпкъ музей.