ЦIыф зэрымыс быбырэ авиасистемэхэм я Урысые форум ыкIэм фэ­кIуагъ. Iофтхьабзэм ­къыдыхэлъытагъэу ятIонэрэ мафэм форумым къекIолIагъэхэр Iэнэ хъураем хэлэжьа­гъэх.

Мы аппаратхэм ягъэIоры­шIэнкIэ программэхэм ягъэцэкIэн дзэ еджэпIэ Гупчэхэм зэращыдэлажьэхэрэм ащ щытегущыIагъэх. Мы лъэныкъомкIэ шIэныгъэу аIэкIэлъхэмкIэ шъолъырхэм ялIыкIохэр зэ­хъожьыгъэх. Ащ фэшъхьафэу щэрыонымкIэ заушэтыгъ ыкIи Хэгъэгу зэошхом ишIэжь чIыпIэхэу къушъхьэм щыIэхэр зэрагъэлъэгъугъэх.
Шъугу къэдгъэкIыжьын, цIыф зэрымыс быбырэ авиасисте­мэхэм я Урысые форум мэфитIурэ кIуагъэ. Ащ хэлэжьагъэх кIэлэ­еджакIохэр, студентхэр, кIэлэ­егъаджэхэр, общест­веннэ ор­ганизациехэм ялIыкIо­хэр, сатыушIхэр, мы лъэныкъом зиушъомбгъуным пылъхэр. Уры­сыем иапшъэрэ еджэпIэ пэрытхэм ядзэ еджэпIэ гуп­чэ­хэми къарыкIыгъэх. Ахэм ащыщых Татищевым ыцIэ зы­хьырэ Астраханскэ къэралыгъо университетыр, Трубилиным ыцIэ­кIэ щыт Пшызэ къэралыгъо мэкъумэщ университетыр, Луганскэ къэралыгъо универ­ситетэу Даль ыцIэ зыхьырэр, Къэ­бэр­тэе-Бэлъкъар къэралыгъо университетыр, Темыр-Кавказ фе­деральнэ университетыр, Темыр-Кавказ къэралыгъо академиер, Къыблэ федеральнэ университетыр.
Мыекъопэ къэралыгъо тех­нологическэ университетым цIыф зэрымыс быбырэ аппаратхэм алъэныкъокIэ проектхэр егъэлажьэх ыкIи купхэр егъэхьазырых. АщкIэ экосистемэ ин апшъэрэ еджапIэм щагъэпсы. Ащ лъапсэ фэзы­шIыхэрэр МКъТУ-м идзэ еджэпIэ Гупч, «Точка кипения»
ыкIи еджапIэм иконструкторскэ бюро.
Анцокъо Ирин.