Нэбгырэ 300 фэдиз хэлэжьагъ
Краснодар краим каратэмкIэ изэIухыгъэ зэнэкъокъухэр къалэу Абинскэ щыкIуагъэх.
Iофтхьабзэм кIэщакIо фэхъугъэх гъунэгъу краим физическэ культурэмкIэ ыкIи спортымкIэ и Министерствэрэ Урысыем каратэмкIэ и Федерацие икъутамэу ащ щыIэмрэ.
Краснодар краим ыкIи Адыгэ Республикэм якоманди 10 турнирым хэлэжьагъ, зэкIэмкIи спортсмен 300 фэдизмэ заушэтыгъ.
Адыгеир къэзыгъэлъэгъуагъэхэр клубхэу «Тигр» ыкIи «Олимпиец» зыфиIохэрэм защызыгъасэхэрэр ары. Тренерхэр В. Васильченкэр ыкIи А. Лъэустэнджэлыр.
Зэнэкъокъухэм язэфэхьысыжьхэмкIэ, спортсмен анахь дэгъоу къыхагъэщыгъэхэм ащыщых Никита Макаровыр, Терчыкъо Тамерлан, Михаил Романовыр, Данила Якименкэр, Юсуф Валиевыр, ХъутIыжъ Батыр, Арсений Мазур, Шъынэхъо Бислъан, ШIуцIэ Тимур, Хьаджымэ Анжелинэ, Жэмыхъо Сулейман, Быжь ТIахьир, Шъынэхъо СултIан.
КаратэмкIэ Урысые турнирэу «Федерациехэм я Кубок» зыфиIорэр мэзаем и 21-м щегъэжьагъэу и 25-м нэс Москва щыкIощт. Ащ хэлэжьэнхэу тиспортсменхэм загъэхьазыры.