Тхылъхэм ящэфын пэIухьанэу Адыгеим итхылъеджапIэхэм сомэ миллиони 8,2-рэ афатIупщыщт. Пчъагъэм щыщэу сомэ миллиони 2,2-р федеральнэ бюджетым къикIыщт.

АР-м финансхэмкIэ и Министерствэ къызэри­тыгъэмкIэ, субсидие шъуа­шэм илъэу шъолъырым ирайонхэм, икъалэхэм ахъщэр аратыщт. Адыгэ республикэ кIэлэцIыкIу тхылъеджапIэми, Лъэпкъ ыкIи хьафизэхэм апае республикэ тхылъеджапIэхэми мылъкур аIукIэщт.
Шъугу къэдгъэкIыжьын, лъэпкъ проектэу «Унагъор» зыфиIорэм къыдыхэлъытагъэу Красногвардейскэ районымкIэ псэупIэу Еленовскэм ыкIи Тэхъутэмыкъое районымкIэ поселкэу Яблоновскэм ятхылъеджапIэхэр мыгъэ агъэцэкIэжьыщтых. Джырэ шап­хъэхэм адиштэрэ тех­ническэ Iэмэ-псымэхэр, интерактивнэ псэуалъэхэр ачIагъэуцощт, ятхылъ фондхэр агъэбаищтых.
Ащ фэшъхьафэу, АР-м икIэлэцIыкIу тхылъеджапIэ мыгъэ игъэкIотыгъэ гъэцэкIэжьынхэр рашIы­лIэщтых. ДжырэкIэ Iоф­шIэнхэм афежьэнхэм фэшI ищыкIэгъэ тхьапэхэр агъэ­хьазырых.
Анцокъо Ирин.