ГъогурыкIоныр щынэгъончъэнымкIэ Къэралыгъо автоинспекцием икъулы­къушIэхэмрэ хьыкум приставхэмрэ рагъэкIокIыгъэ Iофтхьабзэхэм яшIуа­гъэкIэ чIыфэ зытелъым иавтомобиль зыдэщыIэр агъэунэфын алъэкIыгъ.

Теуцожь районым щыпсэурэ хъулъфыгъэм гъогурыкIоным ишапхъэхэр пчъагъэрэ зэриукъуагъэхэм къыхэкIыкIэ Iоф 20-м ехъу къыфызэIуа­хыгъ. Ау тазырхэр игъом къыпщыныгъэхэп, зэкIэмкIи сомэ мин 500-м ехъу зэIуигъэкIагъ.
Хьыкум пристав-гъэцэкIакIом Iофыр зэхифызэ ыгъэунэфыгъ чIыфэ зытелъ хъулъфыгъэм IэкIыбым къыщашIыгъэ автомобиль зэрэтетха­гъэр ыкIи ащ арест тырилъхьагъ. Тазырыр къызипщыныжькIэ имашинэ зэрэратыжьыщтыр хъулъфыгъэм гурагъэIуагъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ исайтэу «https:r01/fssp.gov.ru/» зыфиIорэм шъуихьэмэ, чIыфэ шъутелъымэ, ар зыфэдизыр зэжъугъэшIэн шъулъэкIыщт. Джащ фэдэу къэралыгъо фэIо-фашIэхэм япортал къытырэ амалхэри къызфэжъугъэфедэх.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.