Урысые Федерацием и Уголовнэ кодекс ия 159-рэ статья ия 3-рэ Iахь зигугъу къышIырэ бзэджэшIагъэ зезыхьэгъэ очылым иуголовнэ Iоф изэхэфын мэхьанэшхо зиIэ Iофхэм ахэплъэрэ отделым ыухыгъ.

Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ иматериалхэм атетэу ащ уго­ловнэ Iоф къыфызэIуахыгъагъ.
Следствием зэригъэунэфыгъэмкIэ, чIыгу Iахьымрэ унэе унэмрэ имылъку зэрэха­хьэхэрэр къэзыушыхьатырэ тхылъ къыра­тынымкIэ юридическэ IэпыIэгъу къыфэхъунэу къэлэдэсым 2023-рэ илъэсым итыгъэгъазэ очылым зэзэгъыныгъэ дишIыгъагъ. Iофхэм язэшIохын ыуж итызэ очылым ыгу къэкIыгъ къелъэIугъэм иахъщэ гъэпцIагъэкIэ къызIэкIигъэхьанэу. Ащ къэлэдэсым риIуагъ тхылъхэр икъоу къымыугъоигъэхэу, юридическэ хэукъоныгъэхэр ахэм ахэтхэу. Хэбзэ къулыкъухэм къуалъхьэу аритыщт сомэ мин 500-р къыIэкIигъэхьан фаеу гуригъэIуагъ. Ахъщэр къызырет нэуж очылым чIыгу Iахьымрэ унэе унэмрэ къэлэдэсым тыраригъэтхагъэх. Мылъкоу къыIэкIэхьагъэр ежь зэрэфаеу зэригъэкIуагъ.
Следовательхэм очылыр зэрэмысэр агъэу­нэфыгъ, зыщыпсэурэ чIыпIэр къыбгынэн фи­мытэу ашIыгъ.
Адыгэ Республикэм ипрокурор игуадзэ итхыгъэу бзэджашIэм имысагъэ зыщыухэсы­гъэмрэ уголовнэ Iофымрэ хьыкумым IэкIагъэхьагъэх ахэм ахэплъэным пае.
ЩынэгъончъэнымкIэ Федеральнэ къулыкъум Адыгэ РеспубликэмкIэ
и ГъэIорышIапIэ ипресс-къулыкъу