Top.Mail.Ru

Станцие 12 агъэпсыгъ

Image description

«Россети Кубань» и Адыгэ шъолъыр къутамэ электро­энергиекIэ Iоф зышIэрэ автомобильхэм апае Джэджэ, Мыекъопэ, Кощхьэблэ ыкIи Красногвардейскэ рай­он­хэм, къалэу Мыекъуапэ станциехэр ащигъэпсыгъэх.

ПстэумкIи зэхэубыта­гъэу ахэм акIуачIэ мегаватт 1,8-рэ мэхъу.
Электромобильхэм апае псэуалъэхэр нахьыбэу Мыекъуапэрэ Мыекъопэ районымрэ зыщагъэуцу­гъэхэр. Ащ фэдэхэр гъэ­псыгъэнхэр «Россети» зыфиIорэ купым ипшъэ­рылъ шъхьаIэхэм ащыщ. Компаниер «заряднэ инфраструктурэм» изегъэу­шъомбгъун фытегъэпсы­хьэгъэ Урысые программэу электричествэкIэ Iоф зышIэрэ транспорт лъэпкъ­хэр нахьыбэ шIыгъэнхэу къыздэлъытагъэм хэла-
жьэ. Ахэр экологием ылъэныкъокIэ шапхъэхэр гъэцэкIэгъэнхэм, тыкъэзыуцухьэрэ дунаир нахь макIэу ушIоигъэным фэIорышIэх.
Адыгэ электрическэ сетьхэм Адыгеимрэ Пшызэ шъолъыррэ я Мыекъопэ, Джэджэ, Шэуджэн, Кощхьэблэ, Красногвардейскэ, Шытхьэлэ ыкIи Апшеронскэ районхэм, къалэу Мыекъуапэ ащы­псэухэрэм яфэIо-фашIэхэр егъэцакIэх.