Типшъашъэхэр анахь лъэшых

Адыгэ Республикэм гандболымкIэ и Федерацие и Кубок икъыдэхын фэгъэхьыгъэ зэIухыгъэ зэнэкъокъум тренер-кIэлэегъаджэу Валерий Гончар ыгъэсэрэ пшъашъэхэу 2012-рэ илъэсым къэхъугъэхэм текIоныгъэр къыщыдахыгъ.
Адыгэ къэралыгъо университетым физическэ культурэмкIэ ыкIи дзюдомкIэ и Институт испортзал щыкIогъэ Iофтхьабзэм команди 8 хэлэжьагъ.
Адыгеим икъэлэ шъхьаIэ командитIумэ къагъэлъэгъуагъ: «Мыекъуапэ-1» ыкIи «Мыекъуапэ-2». Апэрэр зэкIэми анахь лъэшыгъ, текIоныгъэр къыдихыгъ. ЯтIонэрэ чIыпIэр «Тольятти-1» фагъэшъошагъ, «Краснодар-1» зыфиIорэм игандболисткэхэр ящэнэрэх.

Турнирым иешIэкIо анахь дэгъухэр хэушъхьафыкIыгъэ шIухьафтынхэмкIэ къыхагъэщыгъэх. Тичемпионкэхэм тафэгушIо, лъэгэпIэшIухэм анэсынхэу тафэлъаIо.