Адыгеим икъэлэ шъхьаIэ икомандэ лъэс зекIонымкIэ Урысые зэнэ­къо­къухэм апэрэ чIыпIэр къащыди­хыгъ.

Мэфэ 15-м къыкIоцI къэралыгъом ­ишъолъыр зэфэшъхьафхэр къэзыгъэлъэ­гъогъэ командэ 307-мэ заушэтыгъ, ха­гъэунэфыкIырэ чIыпIэхэм афэбэнагъэх. Чемпионатыр окIофэ мафэ къэс зы нэ­бгырэм лъэбэкъу мин 25-рэ къыкIун фэягъ.
Мыекъуапэ икомандэ нэбгырэ 31-рэ хэ­тыгъ. Ахэм зэкIэми зэхэщакIохэм къагъэуцугъэ пшъэрылъыр агъэцэкIагъ ыкIи лъэс зекIонымкIэ зэнэкъокъум текIоныгъэр къыщыдахыгъ. Алтайскэ краим ипсэупIэу Мамонтово илIыкIохэм ятIонэрэ чIыпIэр афагъэшъошагъ, къалэу Абинск щыщхэм ящэнэрэ чIыпIэр къахьыгъ.
Федеральнэ проектэу «Спортыр — щыIэныгъэм ишапхъ» зыфиIорэм къыдыхэлъытагъэу мы зэнэкъокъухэр илъэс къэс рагъэ­кIокIых. Мыщ икIэщакIохэм ащыщ Урысыем щызэлъашIэрэ хирургэу, зисэнэхьат хэшIыкIышхо фызиIэ Лео Бокерия.
Проектэу «Каждому муниципалитету —умный маршрут здоровья» зыфиIорэм къыдыхэлъытагъэу республикэм икъэлэ шъхьаIэ щыкIогъэ Iофтхьабзэм кIэщакIо фэхъугъ Мые­къуапэ физическэ культурэмкIэ ыкIи спортымкIэ и Комитет.
Лъэс зекIонымкIэ зэнэкъокъоу зэхащэ­хэрэм Мыекъуапэ илIыкIохэр ренэу къаща­хэщых, хагъэунэфыкIырэ чIыпIэхэр къащыдахых. ТапэкIи арэущтэу щытынэу, ягъэхъа­гъэхэм ахагъэхъонэу афэтэIо.