Краснодар краим иобщественнэ IофышIэ чанхэу ыкIи анахь лъытэныгъэ зыфашIыхэу нэбгырэ 50 икIыгъэ илъэсым изэфэхьысыжьхэмкIэ агъэнэфагъэх.

ЗэхэщакIохэм къызэрэхагъэщыгъэмкIэ, шъхьэкIэфэныгъэ къэзылэжьыгъэхэм якъы­хэгъэщын едзыгъуитIоу гощыгъагъэ: апэрэм экспертхэм нэбгырэ 90-рэ хъурэ спискэр агъэнэфэгъагъ, къызы­пкъырыкIыгъэхэр политикышхо е пэщэ ин хъун зылъэкIыщтхэр къы­хэхыгъэнхэр, ятIо­нэрэм — нэбгырэ 30 фэдиз хъурэ пшызэ по­литикхэм, общественникхэм, журналистхэм ыкIи политологхэм баллитф системэмкIэ уасэ афа­шIыгъ. Рейтингым игъэнэфэнкIэ джащ фэдэу къы­да­лъытагъ ахэм ащыщхэм ацIэхэр къэбар жъугъэм иамалхэм 2024-рэ илъэсым къазэращаIогъэ пчъа­гъэр.
Анахь дэгъухэм илъэс зэкIэлъыкIохэм ахэфэ ТIуапсэ щыщ тичIыгогъоу, «ШIум ишъолъыр» зыфиIорэ шIушIэ фондым ипащэу, ТIопсэ муниципальнэ шъолъырым идепутатэу, журналистэу Яна Сторожук. Ар янэ ылъэ­ныкъокIэ Кобл лIакъоу ШIоикъо щыпсэухэрэм яIахьыл. ЗыцIэ къыраIуагъэхэм ащыщ Ахэджэго Анзаур — Краснодар краим и Общественнэ лъыплъэкIо ­комиссие итхьамат, цIыфхэм яфитыныгъэхэр къэухъумэ­гъэн­хэмкIэ Пшызэ игубернатор дэжь щыIэ Советым хэт.