ТIуапсэ щыпсэухэрэр фронтым дэIэпыIэх
ХэушъхьафыкIыгъэ дзэ операцием хэлэжьэрэ дзэкIолIмэ афагъэхьырэ шIушIэ IэпыIэгъум иугъоин хы ШIуцIэ Iушъом щыпсэурэ адыгэхэр чанэу хэлажьэх.
IофыгъошIум яIахь халъхьэ организациехэм, хъызмэтшIапIэхэм яIофышIэхэм, депутатхэм, къоджэдэсхэм ыкIи общественникхэм.
А Iофыгъор къэуцурэп. БэмышIэу, ТIопсэ муниципальнэ шъолъырым хэхьэрэ Ныбыгъу къоджэ псэупIэм щыщ предпринимателэу Илья Федоровым зэхищэгъэ Iофтхьабзэм хэлэжьагъэх къуаджэу Агуй-Шапсыгъэ щыщхэр: предпринимателэу АкIэгъу Заур, муниципальнэ Советым идепутатхэу Ныбэ Джамболэтрэ Лъэпшъыкъо Илясрэ, Ныбыгъу къоджэ псэупIэм идепутатхэу Шъхьэлэхъо Сэфэррэ Филиппов Аслъанрэ, къоджэ псэупIэм ипащэу Нэгъуцу Вадим. Сомэ мин 730-рэ зэкIэмкIи къаугъоигъэр, а ахъщэмкIэ къащэфыгъэх щэр зыпхырымыкIырэ ныбалъэхэр, каскэхэр, электрогенераторхэр, гъучIыр зэрагъэжъэрэ аппаратхэр, къазгъырхэр, пхъэххэр.
Курскэ хэкум щыпсэущтыгъэхэу зиунэхэр зыбгынэнхэ фае хъугъэхэми ТIуапсэ щыщхэр адэIэпыIагъэх. Ахэм гъомылапхъэхэр, нэмыкIэу къашъхьэпэщтхэр къафащэфыгъэх.