Анапэ хы Iушъом бэмышIэу къыщыхъугъэ тхьамыкIагъом Краснодар краим имыза­къоу, зэрэхэгъэгоу зэфищагъ.

Хы ШIуцIэм иэкологие къегоорэ хъугъэ-шIагъэм идэгъэзыжьынкIэ зишIуагъэ къэзыгъэкIуагъэхэм ТIопсэ муниципальнэ шъолъырым испортсменхэр ащыщых.
ТIуапсэ дэт кIэлэцIыкIу-ныбжьыкIэ еджапIэу № 1-м икомандэ Анапэ кIуагъэ.
— Тренерэу Нэгъуцу Джанболэт, Шъхьэлэхъо Заур, Тыкъо Аслъан, ТIопсэ муниципальнэ шъолъырым дзю­домкIэ ыкIи самбэмкIэ и Федерацие ипрезидентэу Ныбэ Джамболэт физическэ культурэмкIэ ыкIи спортымкIэ гъэIорышIапIэм ипащэу Тимур Ергиныр ащ зыщызыгъэсэрэ экологие тхьамыкIагъом идэгъэзыжьын хэлэжьагъэх, — къыщаIотагъ учреждением. — Спортсменхэр, тренерхэр, Iэшъхьэтетхэр зы командэу, зэхэдз амышIэу Iоф ашIагъ. Тиспорт сообществэ зы Iофым фэщэгъэ цIыфхэр зыхэхьэрэ къодыеп, ахэр зы унагъом фэдэу зэхэтых, чIыпIэ къин ифагъэхэм адэIэпыIэнхэм ренэу фэхьазырых!