Краснодар краим игубернаторэу Вениамин Кондратьевым гъунэ лъифыгъ мэхьанэ зиIэ социальнэ псэуалъэхэр шъолъырым зэрэща­шIыхэрэм, анахьэу фельдшер-мамыку IэзапIэхэм ягъэпсын.

Пащэм иунашъохэр зэрагъэцакIэрэм ТIопсэ районым щызэхащэгъэ зэхэсыгъом щытегущыIагъэх. Муниципалитетым ипащэу Сергей Бойкэм социальнэ хъытыухэм къызэращитхыгъэмкIэ, джырэ уахътэм районым медицинэм епхыгъэ псэолъэ заулэ щашIыным щыдэлажьэх.
«ГущыIэм пае, фельдшер-мамыку пунктэу къуаджэу Псыбэ щашIынэу агъэнэфагъэм техническэ амалэу ищыкIагъэхэр фагъэпсых, — къыIопщыгъ ащ. — ДжырэкIэ специалистхэр зыдэлажьэхэрэр IэзапIэм проектэу пылъыщтыр ары. Мыхэр псэолъэшхохэу пфэ­Iощтхэп, ау ахэр тищыкIэгъэ дэдэх. Ащ фэдэ Iэза­пIэхэр чыжьэу пэIудзыгъэ къуаджэхэм адэтшIыхьэхэмэ, сымаджэхэм километрэ пчъагъэ акIузэ сымэджэщхэм алъыхъужьыщтхэп. Яунэ пэмычыжьэу щыт фельдшер-мамыку IэзапIэм медицинэ IэпыIэгъу щагъотыщт».
Ныбэ Анзор.
Сурэтхэр авторым иех.