— Нэмыц закъохэр арэп Советскэ Дзэ Плъы­жьым къыпэуцугъагъэхэр. Пыим идзэ румын-
скэ, венгерскэ, итальянскэ ыкIи хорватскэ частьхэр хахьэщтыгъэх.
— Сталинград заор зыщыкIуагъэр къэлэ кIоцI закъор арэп. Пэублэм Сталинград фронтым кило­метрэ 52-м фэдизэу, нэужым километрэ 800-м нэсэу зиушъомбгъугъ.
— Зэпэуцужьхэр окIофэхэ, Сталинград инахьыбэр агъэтэкъуагъ. 1942-рэ илъэсым шышъхьэIум и 23-рэ мэфэ закъом къалэм дэтыгъэ унэхэм азыныкъо нахьыбэ нэмыц авиацием къыгъэуа­гъэх, нэбгырэ мин 90-м ехъу хэкIодагъ.
— Къалэм къеохэ зэхъум, Сталинград дэтыгъэ танковэ заводым иIофшIэн зэпигъэугъэп. Танкэу Т-34-м фэдэхэр конвейерым къызэрэтекIхэу зэуапIэм ащэщтыгъэх.
— Фельдмаршалэу Фридрих Паулюс зипэщэгъэ дзэу къадзыхьагъэм зыкъитыгъ. Илъэсрэ ныкъорэ тешIагъэу гъэрэу аубытыгъэгъэ Паулюс СССР-м къыдэлэжьэнэу къеуцолIагъ ыкIи нэмыц гъэрхэр Советскэ Союзым къыгоуцонхэм, Гитлер тыра­дзыным ар къыфэджагъ.
— КъызэралъытагъэмкIэ, Сталинград щыкIогъэ зэо мэхъаджэм дзэкIолIым (советскэу е нэмыцэу шIы) гурытымкIэ такъикъ 15 фэдиз къыгъашIэщтыгъэр.
— Сталинград къэухъумэгъэнымкIэ анахь мэхьанэ зиIэ чIыпIэу хъугъэр Мамай Iуашъхьэр ары. Ар гъогогъу 14-рэ зэIэпахыгъ, советскэ дзэкIолI мини 10-м ехъумэ апсэ фатыгъ.
Iэшъынэ Сусан.