Гъэтхасэхэм япхъын зыфагъэхьазыры
Республикэм имэкъумэщышIэхэр гъэтхасэхэм япхъын епхыгъэ IофшIэнхэм афежьагъэх.
ХъызмэтшIапIэхэм ыкIи унэе фермерхэм чылапхъэу, гъэстыныпхъэу, чIыгъэшIоу, Iэмэ-псымэу мыгъэ зэрагъэгъотыгъэр гъэрекIорэм нахьыб. Ащ елъытыгъэу, лэжьыгъэу къахьыжьыщтыри бэгъоным игугъапIэ щыI.
АР-м мэкъу-мэщымкIэ и Министерствэ къызэрэщыхагъэщыгъэмкIэ, 2025-рэ илъэсым чIыгъэшIухэр зищыкIэгъэ чIыгу Iахьэу агъэнэфагъэр гектар мин 26,6-рэ мэхъу, ащ къегъэлъагъо республикэм мэкъумэщ продукцием зэрэщыхигъахъорэр.
— Ащ фэшъхьафэу, гъэтхасэхэр зыраутыхэрэм ыуж охътабэ тырамыгъашIэу чIыгъушIухэмкIэ ешIушIэхэу ыкIи непэрэ технологиехэр а IофымкIэ къызфагъэфедэмэ, лэжьыгъэр чIыгум нахь псынкIэу ыштэщт, ищыкIагъэр зэкIэри ыгъотыщт, — къыщыхагъэщыгъ АР-м мэкъу-мэщымкIэ и Министерствэ.
Шъолъырым имэкъумэщышIэхэр хъызмэтшIапIэу «ЦАС-у «Адыгейский» зыфиIорэм ихэушъхьафыкIыгъэ лабораториехэм чIыгъэшIухэм ядэгъугъэ ащылъыплъэнхэ алъэкIыщт .