Мыекъопэ районым ит псэупIэу Тульскэм щыщ хьалыгъугъажъэу ЕмыкI Аннэ телеканалэу «Бэ­рэскэшхор» зыфиIорэм шхын зэфэшъхьафхэмкIэ щыкIогъэ зэнэкъо­къоу «Битва шефов» зыфиIорэм хэлэжьагъ. ­ЛъэIу тхылъ мин 40-м щыщэу къахахыгъэ нэбгыри 10-мэ язэу ар хъугъэ.

ЗэлъашIэрэ пщэрыхьакIохэу Константин Ивлевымрэ Ренат Агзамовымрэ унагъохэм ашIырэ адыгэ хьалыжъом уасэ къы­фашIынэу аIэкIигъэхьагъ. Ар лъэшэу агу рихьыгъ ыкIи Адыге­им щыщ пщэрыхьэкIо IэпэIасэр «Битва шефов» зыфиIорэм рагъэблэгъагъ.
Мыекъопэ районым иад­министрацие къызэрэщаIуа­гъэмкIэ, 2014-рэ илъэсым къыщегъэжьагъэу Аннэ шхын зэ­фэшъхьафхэм ягъэхьазырын ишъэфхэр къызIэкIигъахьэхэу ригъэжьагъ. ИIэпэIэсэныгъэ зэрэхахъорэм дакIоу хъытыу­хэмкIэ ащ инэкIубгъо еплъырэри нахьыбэ хъугъэ. Унагъомрэ инэкIубгъо еплъыхэрэмрэ фагъэчэфи, ежь иунаеу хьалы­гъугъэжъапIэ къызэIуихыгъ. Ащ хьалыгъу фыжь IэшIу цIыкIухэр, хьалыгъу лъэпкъ зэфэ­шъхьафхэр, тортхэр ыкIи хьа­джыгъэм ежь къыугупшысыгъэ шIыкIэхэмкIэ шхыныгъо зэфэшъхьафыбэ хешIыкIы.