Щылэ мазэм и 27-м къыщыублагъэу мэзаем и 2-м нэс наркотикхэм апыщагъэхэм пэшIорыгъэшъ Iофтхьабзэхэр адызехьэгъэным фэгъэхьыгъэ тхьамафэ Адыгеим щэкIо.

КIэлэцIыкIухэм ыкIи ныбжьыкIэхэм шэн дэйхэр къахэмыфэнхэм, ахэм ащыухъумэгъэнхэм фэIорышIэрэ Iофтхьабзэхэр республикэм щырагъэкIо­кIы. КIэлэеджакIохэм социальнэ-психологическэ тестхэр арагъэшIых, зыныбжь имыкъугъэхэм пэ­шIорыгъэшъ Iофтхьабзэхэр адызэрахьэх.
АР-м псауныгъэр къэу­хъумэгъэнымкIэ и Ми­нистерствэ шъугу къе­гъэкIы­жьы: наркоманхэм гурытымкIэ аныбжь илъэс 16-м къыщыублагъэу ­илъэс 30-м нэсы. Ахэр ежьхэм анахьыжъхэм захахьэхэкIэ ялэгъоу зыкъагъэлъэгъо­нэу аIозэ наркотикхэр агъэ­федэх, мэкIэ-макIэу къагурымыIозэ ащ пыщагъэ мэхъух. Наркотикыр къызфигъэфедэнэу зи­ублагъэм къыщегъэжьа­гъэу илъэси 7 Iэпэ-цып ащ къыгъэшIэжьырэр.
2024-рэ илъэсым Адыге­им зэкIэмкIи наркотикхэм апыщагъэу нэбгырэ 479-рэ щагъэунэфыгъ, республикэ наркологие диспансерым нэбгырэ 73-мэ щяIэзагъэх.
Специалистхэм къы­кIагъэтхъы, наркотикхэм епхыныгъэ фызиIэхэр гумэкIыгъо шъхьаIэу обществэм ыпашъхьэ итхэм ащыщ. Къышъупэ­блэгъэ цIыфхэм IэпыIэгъу ящыкIагъэмэ телефон номерхэу 8(800) 2000-122-м, 8(8772)548-817-м, 8(8772)543-543-м шъуатеу.