«ЭкоЦентрэм» и Адыгэ шъолъыр къутамэ хэкIыр Iузыщыщт автомашинищ кIэу маршрутым тыритIупщыхьагъ.

Ахэр Тэхъутэмыкъое районыр ары зыщагъэфедэщтхэр, унэе псэу­пIэхэм хэкIэу къадахырэмрэ пластикым хэшIыкIыгъэ бакхэм къарата­къорэмрэ Iуащыщт.
— АвтомашинакIэу ттIупщыгъэхэм пыдзэфэ пытэхэм ядэщын нахь IэшIэх къышIыщт, контейнерхэр игъом унэкIыгъэ хъущтых, санитар шап­хъэхэр мыукъонхэм ар фэIорышIэщт. Ахэр обо­рудованиеу атетхэм хьы­лъэу къаIэтырэр зэрэ­нахьыбэмкIэ адрэхэм ате­кIых. ХэкIым идэщын мыгужъоным, игъом ыкIи икъоу фэIо-фашIэхэр дгъэ­цэкIэнхэм фэшI техникэм игъэкIэжьын ренэу ыуж тит, — къыIуагъ «ЭкоЦентрэм» и Адыгэ шъо­лъыр къутамэ ипащэу Алыбэрд Налбый.
Шъугу къэдгъэкIыжьын, игъом хэкIыр Iуащыным пае, графикым диштэу ар зэкIэми къыдахын, нэ­мыкI шапхъэу пылъхэри агъэцэкIэнхэ фае. Шъолъыр операторым упчIэ фызиIэр мы телефонымкIэ къытеон ылъэкIыт: 8-800-707-05-08.
«ЭкоЦентрэм» и Адыгэ
шъолъыр къутамэ ипресс-къулыкъу.