ХэушъхьафыкIыгъэ дзэ операцием хэлажьэхэрэм ыкIи ахэм яуна­гъо­хэм ащыщхэм партиеу «Единэ Россием» икъутамэу АР-м щыIэм иоб­щественнэ Штаб психологым иIэпыIэгъу ыпкIэ хэмылъэу щарагъэгъоты.

Ащ фэгъэхьыгъэ проектыр 2024-рэ илъэсым имэкъуогъу мазэ къыщыублагъэу агъэцакIэ. ХэушъхьафыкIыгъэ дзэ операцием щыIэ дзэкIолIхэм яунагъо­хэм ащыщхэм апае психологхэр зыхэлэжьэрэ зэIукIэгъухэр афызэхащэх. Нэбгырэ пэпчъ дэгущы­Iэх, ягумэкIыгъохэр IэтыгъошIу афашIы.
«Джырэ уахътэм дзэкIолIхэм яIахьылхэм агу къыдэпщэен фае, психологическэ IэпыIэгъу ящыкIагъ. Ахэм психологхэм шъхьаф-­шъхьафэу заIуагъакIэ. ГумэкIым зэлъиштэгъэ цIыфхэм IэпыIэгъу тафэхъуныр типшъэрылъ шъхьаI», — къыIуагъ партиеу «Единэ Рос­сием» общественнэ IэпыIэгъумкIэ и Штаб ипащэ игуадзэу, УФ-м ФедерациемкIэ и Совет ныбжьыкIэ хэбзэгъэуцухэм я Палатэ хэтэу, «НыбжьыкIэ Гвар­дием» и Адыгэ шъолъыр къута­мэ ипащэу Бэрзэдж Асиет.
Психологическэ IэпыIэгъу зищыкIагъэхэм апае зэхащэрэ Iоф­тхьабзэхэм ахэлажьэ зышIои­гъохэм пэшIорыгъэшъэу телефонэу 8 (8772) 52-76-03-мкIэ зарагъэтхын фае. Е обществен-
нэ IэпыIэгъум и Штаб зычIэтэу, Мыекъуапэ иурамэу Про­летарскэм тет унэу N 449-м екIолIэнхэ фае. Электроннэ поч­тэмкIи макъэ ябгъэIушъущт: op@adygei.er.ru