«Россети Кубань» и Адыгэ шъолъыр къутамэ иIофышIэхэм Мыекъопэ районым ит поселкэу Победэмрэ станицэу Абадзехскэмрэ амбу­латориеу ащашIыхэрэр электричествэм икIуа­пIэхэм арапхыгъэх.

Мы социальнэ псэуалъэхэм киловатт 60 кIуачIэ иIэу электричествэр аIэкIэхьащт.
Амбулаториехэр лъэпкъ проектхэу «Псауныгъэмрэ» «Къоджэ псэупIэхэм хэхъоныгъэхэр ягъэшIыгъэнхэр» зыфиIорэмрэ къадыхэлъытагъэхэу агъэуцух. КIэлэ­цIыкIухэм яIэзэрэ врачыр, на­хьыжъхэм апае терапевтыр чIэсынхэм, нэмыкI специалистхэми Iоф щашIэным ахэр тегъэпсы­хьагъэх.
Адыгэ электрическэ сетьхэм Пшызэ шъолъырымрэ Адыгеимрэ я Мыекъопэ, Джэджэ, Шэуджэн, Кощхьэблэ, Красногвардейскэ, Шытхьэлэ ыкIи Апшеронскэ район­хэм, къалэу Мыекъуапэ электроэнергиемкIэ яфэIо-фашIэхэр афа­гъэцакIэх. Ахэм пстэумкIи нэ­бгырэ мин 550-рэ фэдиз ащэпсэу.