ГукъэкIэу нэфапIэ хъугъэр
![Image description](images_upload?image_name=2025/01/iy2HtWE-Q64.jpg)
Тыгъэм къытырэ нэфынэм, жьым, псым ыкIи нэмыкIэу тыкъэзыуцухьэрэ дунаим зэрар къыфамыхьэу аугъоирэ энергиер зыфэдизыр пэшIорыгъэшъэу къэзышIэрэ программнэ модулыр Адыгэ къэралыгъо университетым щагъэпсыгъ.
Программнэ модулэу энергиеу аугъоищтыр зыфэдизыр пэшIорыгъэшъэу зыгъэнафэрэм игъэпсын лъапсэ фэхъугъэр рекуррентнэ нейроннэ хъытыухэр зэпхыгъэ моделэу «OptRNN 1.0» зыфиIоу агъэкIэжьыгъэр ары. Лъэпкъ проектэу «Наукэр ыкIи университетхэр» зыфиIорэм къыдыхэлъытагъэу Адыгэ къэралыгъо университетым илабораторие ар щашIыгъ. Программэм изэхэгъэуцон дэлэжьагъэх лабораторием иIофышIэхэу Павел Бучацкэр, Стефан Онищенкэр, Семен Теплоуховыр ыкIи Дмитрий Лисовыр. Адыгэ Республикэм геотермальнэ амалхэр щыгъэфедэгъэнхэм ар фытегъэпсыхьагъ.
Нейроннэ хъытыухэр хьисап моделэу щытых, цIыфым иакъыл фэдэу гъэпсыгъэх. Рекуррентнэ нейроннэ хъытыухэм къэзыгъэзэжьырэ зэпхыныгъэ яI, ащ къикIырэр – зым адрэм къэбарыр IэкIегъэхьэшъу, зым тешIыкIыгъэр къыкIэлъыкIорэм лъегъэIэсы.
Адыгэ къэралыгъо университетым ипресс-къулыкъу
Сурэтыр: АКъУ