Top.Mail.Ru

Щылэ мазэм и 25-р — Урысыем истудентхэм я Маф

Лъытэныгъэ зыфэтшIырэ студентхэр! Ныбджэгъу лъапIэхэр!
Урысыем истудентхэм я МафэкIэ тышъуфэгушIо!
Студентыгъор – обществэм ицIыфхэу зэрэщытхэр ныбжьыкIэхэм зыщызэхашIэрэ, щыIэныгъэм чIыпIэу щаубытырэр зыщагъэунэфырэ, шIэныгъэрэ къулаиныгъэрэ аIэ къызщырагъэхьэрэ пIалъэу щыт.
Ячаныгъэрэ ягуетыныгъэрэ къызыфагъэфедэзэ, общественнэ Iофтхьэбзэ зэфэшъхьафхэм хъупхъэу студентхэр ахэлажьэх, тикъэралыгъо ихэхъоныгъэ яIахь хашIыхьэ.
Адыгеим иапшъэрэ еджапIэхэм ястудентхэм ащыщыбэхэр я Хэгъэгу зэрэфэшъыпкъэхэм ишыхьатэу, академическэ отпуск къаIахыгъэу хэушъхьафыкIыгъэ дзэ операцием хэлажьэх.
Урысые Федерацием и Президентэу Владимир Путиным 2025-рэ илъэсыр – Хэгъэгу зэошхом текIоныгъэр къызщыдахыгъэр илъэс 80 зыщыхъурэр – Хэгъэгум иухъумакIо и Илъэсэу ыгъэнэфагъ. Тинепэрэ лIыхъужъхэм, хэушъхьафыкIыгъэ дзэ операцием хэлажьэхэрэм ыкIи ти ЧIыгу гупсэ ишъхьафитныгъэ фэбанэхэзэ, нацизмэр зэхэзгъэтэкъогъэ тятэхэм, тятэжъхэм ацIэкIэ, ахэр зэрэтщымыгъупшэхэрэм яшыхьатэу ар агъэнэфагъ.
Мы мэфэкI шIагъом Адыгеим икIалэхэмрэ ипшъашъэхэмрэ тыгу къыддеIэу тафэлъаIо ячаныгъэ хагъэхъонэу, Iофтхьабзэу зэрахьэхэрэм хъупхъэу ахэлэжьэнхэу, хэгъэгум къырыкIощтымкIэ япшъэдэкIыжь зэрэиныр зэхашIыкIынэу, культурэ-тарихъ кIэным икъэухъумэнрэ тилIыхъужъхэр тщымыгъупшэнхэмрэ афэгъэхьыгъэ Iофыгъо пстэуми яIахь ахашIыхьанэу.
Ныбджэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, шIэныгъэ куухэр зэжъугъэгъотынхэу, ти Хэгъэгушхоу Урысыем ищытхъу нахь лъагэу зиIэтыным шъуиIахь хэшъушIыхьанэу!
Адыгэ Республикэм и ЛIышъхьэу, Урысые политическэ партиеу “Единэ Россием” и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу
Владимир Нарожнэр