Уголовнэ Iоф къызэIуахыгъ
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Урысыем хэгъэгу кIоцI IофхэмкIэ и Министерствэ Красногвардейскэ районымкIэ иотделрэ Адыгеим щыщ хъулъфыгъэу илъэс 64-рэ зыныбжьэу хабзэр зыукъуагъэм игъогупэ пабзыкIыгъ.
ХэбзэухъумэкIо къулыкъухэм яIофышIэхэм зэрагъэунэфыгъэмкIэ, Урысыем щыщхэм хабзэу щыIэр аукъозэ, зэрэзэзэгъыгъэхэм тетэу IэкIыб къэралыгъохэм яцIыфхэр Урысыем щыIэнхэмкIэ фитыныгъэ къязытырэ IофшIэн зэзэгъыныгъэ нэпцIхэр агъэпсыгъэх. Ащ ыпкъ къикIыкIэ IэкIыб къэралыгъохэм ащыщхэр миграциемкIэ учетым агъэуцугъэх.
Урысыем хэгъэгу кIоцI IофхэмкIэ и Министерствэ Красногвардейскэ районымкIэ иследственнэ отдел материалэу къыIэкIэхьагъэхэр IэубытыпIэ къызфишIыхэзэ, Урысыем и Уголовнэ кодекс ия 322.1-рэ статья иа 1-рэ Iахь диштэу уголовнэ Iоф къызэIуихыгъ.
Уголовнэ IофымкIэ мэхьанэ зиIэ материалхэм яугъоин следовательхэр ыуж итых. Ащ изэхэфын джыри макIо.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу