Тикъэралыгъошхоу ­Урысыем ыкIи ти Адыгэ Республикэ сабыеу ­къэхъурэм ипчъагъэ хэ­гъэхъогъэным, кIэлэцIыкIухэр узынчъэнхэм мэхьанэшхо щараты.

Тэ, адыгэхэм, ижъ-ижъы­жьым къыщыублагъэу са­быир пщым фагъадэ, алъэ­кIырэр фашIэ, апIу, алэ-­
жьы. Лъэпкъым ицIыфы­шъхьэ хахъо иIэмэ, ылъапсэ зэрэпытэрэр хэткIи нафэ.
Хэтрэ унагъокIи сабыир анахь мылъку лъапI ыкIи гушIогъо-насыпыгъэ ин. Сабыим гушIуагъор, тынчы­гъэр, бэрэчэтыгъэр къыдэкIох. Ары зыкIаIорэр «Бын зыпIурэр бын ыуас», «Са­быир анахьыжъ» еIо гущыIэжъым, ащ къикIырэр, ипIун-лэжьын ны-тыхэр, нэнэ-татэхэр емызэщыжьэу зэрэдэлажьэхэрэр ары. Хэт­рэ унагъокIи анахь мылъку шъхьаIэу щытыгъэр ыкIи къэнэжьырэр сабыир ары, ахэм япчъагъэ хахъомэ, лъа­псэми зеушъомбгъу ыкIи ар мэпытэ. ТиIэ сабыйхэр ыкIи къэхъухэрэр узынчъэныгъэ дахэ яIэу псэунхэу, цIыфышIу хъунхэу тафэлъаIо!