«Ины сэхъуфэ лъэоим тетынэуи?..»
КIэлэцIыкIум ятэ пчъэ-шъхьаныгъуп­чъэхэр ыгъэлэнэу лъэоим дэкIоягъ. Ащ еплъэу щыт ным икIэлэцIыкIу реIо:
— Ины ухъумэ папэ удэIэпыIэщт.
— Ины сэхъуфэ папэ лъэоим тетынэуи? — къыриIожьыгъ кIэлэцIыкIум.
«Сэ скъор хэт адэ?»
Тыжъым икъорэлъф цIыкIу къыгъэтIысыгъэу реIо:
— О уипапэр нанэрэ сэрырэ ткъо. О тэ ткъом урикъожь.
— Адэ, ащыгъум сэ скъор хэта? — шIогъэшIэгъонэу чIэупчIэжьыгъ кIэлэ­цIыкIур.
«Хы ШIуцIэр тыдэ щыIа?»
Загъэпсэфынэу хым кIогъэхэ ны-тыхэм акIыгъу сабыир ащ хаплъэзэ къэупчIэ:
— Хы ШIуцIэм тэкIо пIуагъэба? Тыда ар адэ? ТыкъыздэкIуагъэр шхъуантIи?
«Ар – сэрыхэп!»
КIэлэцIыкIур гъунджэм иплъэзэ къэ­упчIэ:
— Мы гъунджэм къиплъырэ кIэлэ фыжь цIыкIур хэта, пап?
— О хэт пшIошIыра ар? Орыба!
— Олахьэ ар сэрымыркIэ! Сэ усигъусэу тыгъуасэ хьамамым сыщыIагъ.
«Урысыбзэу сшIэрэр сэ сфикъущт…»
— Сыда, мам, умыуцужьэу «репетитор» зыфапIорэм есэбгъэшIэщтыр?
— егъэ­шIагъо я 2-рэ классым кIорэ Мурат.
— Урысыбзэр, сикIэлэ цIыкIу, дэгъоу пшIэ хъунэу арыба, — еIо ным.
— Мам, — ыIуагъ шъэожъыем, — сфи­къущт сэ урысыбзэу сшIэрэр.