Мыекъуапэ икомандэ хэлажьэ
Лъэс зекIонымкIэ къэралыгъо мэхьанэ зиIэ зэнэкъокъухэр рагъэжьагъэх.
Адыгэ Республикэр къэзыгъэлъагъорэр «Мыекъуапэ 01». Мыщ 2024-рэ илъэсым Iофтхьабзэм текIоныгъэр къыщыдихыгъ, джыри ащ фэдэ гъэхъагъэ ышIыным фэхьазыр. Командэм нэбгырэ 31-рэ хэт. Ахэм якапитанэу Бзаго Рустам къызэриIуагъэмкIэ, щылэ мазэм и 30-м нэс нэбгырэ пэпчъ мафэм лъэбэкъу мин 25-рэ къыкIун фае. Арышъ, мэфэ 15-м къыкIоцI зым лъэбэкъу мин 375-рэ къызэринэкIыщт. Апэрэ мафэм ыуж Мыекъуапэ илIыкIохэр апэрэ чIыпIэм щытых, зэкIэмкIи Урысыем икомандэ 309-мэ заушэты. Адыгеир къэзыгъэлъагъохэрэм гъэхъэгъэшIухэр ашIынхэу афэтэIо.